दुर्घटनामा संलग्न अर्को BR 06 CN 7442 नम्बरको मोटरसाइकल चालक भने घटनास्थलबाट फरार भएका थिए। घटनापछि प्रहरीले उक्त मोटरसाइकल चेकजाँच गर्दा सिटमुनि लुकाइछिपाइ राखिएको ४ किलो ७१० ग्राम प्रतिबन्धित लागुऔषध गाँजा फेला परेको हो। गाँजासहित मोटरसाइकललाई नियन्त्रणमा लिइएको प्रहरीले जानकारी दिएको छ।
फरार चालकको खोजतलासका क्रममा मिति २०८२/०९/१८ गते दिउँसो १२:५५ बजे सर्लाहीकै कौडेना गाउँपालिका-१ निवासी २७ वर्षीय रविन्द्र गिरीलाई मलंगवा नगरपालिका-१ स्थित बाटोमा हिँडिरहेको अवस्थामा नियन्त्रणमा लिइएको हो। उनलाई सर्लाही जिल्ला अदालतबाट लागुऔषध मुद्दामा १० दिनको म्याद थप गरी जिल्ला प्रहरी कार्यालय सर्लाहीले थप अनुसन्धान गरिरहेको जनाएको छ।