मतपत्र छपाइको जिम्मा पाएको जनक शिक्षा सामग्री केन्द्र ले फागुन ४ गतेदेखि छपाइ सुरु गर्ने जनाएको छ। पाठ्यपुस्तक छपाइमा कुनै असर नपर्ने गरी व्यवस्थापन गरिएको केन्द्रले स्पष्ट पारेको छ।
निर्वाचनका लागि आयोगले ६ अर्ब ७३ करोड रुपैयाँ बजेट विनियोजन गरेको छ। खर्च घटाउने उद्देश्यले यसअघि प्रयोग भई सुरक्षित राखिएका ९० हजार मतपेटिका पुनः प्रयोग गरिनेछ।
आयोगका अनुसार देशभर १०,९६७ मतदान स्थल र २३,११२ मतदान केन्द्र रहनेछन्। समानुपातिकतर्फका उम्मेदवारहरूको विवरण भने छिट्टै सार्वजनिक गरिने निर्वाचन आयोगले जनाएको छ।