पौष २० / सरकारले आगामी २०८३ वैशाख मसान्तसम्म मधेश प्रदेशलाई पूर्ण साक्षर प्रदेश घोषणा गर्ने लक्ष्य लिएको छ। यसका लागि प्रदेशव्यापी साक्षरता अभियानलाई योजनाबद्ध र समन्वयात्मक ढंगले अघि बढाउने निर्णय गरिएको छ।
अभियानको संयोजन तथा सहजीकरणको जिम्मेवारी मधेश प्रदेशका शिक्षा तथा संस्कृति मन्त्रीले गर्नेछन् भने स्थानीय तहहरूले अभियानको प्रत्यक्ष नेतृत्व गर्ने व्यवस्था गरिएको छ। साक्षरता अभियानलाई वैज्ञानिक र प्रभावकारी बनाउने उद्देश्यले उच्चस्तरीय विज्ञ कार्यदलमार्फत औपचारिक रूपमा अभियान प्रारम्भ गरिने योजना रहेको छ।
सरकारले यो अभियानले शिक्षाको पहुँच विस्तार, सामाजिक चेतनाको वृद्धि र समग्र मानव विकासमा महत्वपूर्ण योगदान पुर्याउने अपेक्षा गरेको छ।