पौष १८ / कतार सरकारले राष्ट्रिय दिवस तथा अन्तर्राष्ट्रिय आप्रवासी दिवसको अवसर पारेर विभिन्न कारागारमा रहेका १३ जना नेपाली कैदीलाई आममाफी दिएको छ।
मिनिस्ट्री ऑफ़ फॉरेन अफेयर्सले एक विज्ञप्ति जारी गर्दै कतार सरकारको यस मानवीय निर्णयप्रति आभार व्यक्त गरेको छ। मन्त्रालयका अनुसार यो आममाफी कतारको मानवीय दृष्टिकोणको प्रतिबिम्ब हुनुका साथै नेपाल-कतारबीचको गहिरो मित्रता र सौहार्दपूर्ण सम्बन्धको प्रतीक हो।
नेपाल सरकारले यस कदमलाई सद्भावनाको संकेतका रूपमा लिएको जनाएको छ। केही समयअघि नेपालले कतारलाई दुईवटा हात्ती उपहार दिएको प्रसंगलाई पनि यस सन्दर्भमा उल्लेख गरिएको छ।
हाल करिब पाँच लाख नेपाली कामदारहरू कतारमा कार्यरत छन्। गत वर्ष मात्रै १ लाख ४० हजार ७९२ नेपाली रोजगारीका लागि कतार गएका थिए। आममाफीको यो निर्णयले वैदेशिक रोजगारीमा रहेका नेपालीहरूबीच सकारात्मक सन्देश प्रवाह गरेको सरकारको भनाइ छ।