क्षेत्रीय बैठकले पार्टीको आन्तरिक समीक्षा, समसामयिक राजनीतिक अवस्था तथा आगामी निर्वाचन रणनीतिलाई ध्यानमा राख्दै उक्त निर्णय लिएको बताइएको छ। बैठकमा सहभागी नेताहरूले क्षेत्रको सांगठनिक अवस्था, जनाधार, विगतका निर्वाचन परिणाम र भविष्यको सम्भावनाको समग्र मूल्याङ्कन गर्दै नयाँ रणनीतिसहित अघि बढ्ने निष्कर्ष निकालेका छन्।
पार्टी स्रोतका अनुसार आगामी निर्वाचनमा बारा–३ मा पार्टीलाई अझ सुदृढ बनाउने उद्देश्यले वैकल्पिक नेतृत्व अघि सार्ने विषयमा पनि छलफल भएको छ। यस क्रममा क्षेत्रीय तहबाट केन्द्रलाई आवश्यक सिफारिस पठाउने तयारी भइरहेको जनाइएको छ।
स्थानीय नेताहरूले पार्टीको निर्णय सामूहिक र अनुशासित रूपमा कार्यान्वयन हुने विश्वास व्यक्त गर्दै उम्मेदवार चयन प्रक्रिया आगामी दिनमा अझ स्पष्ट र पारदर्शी ढंगले अघि बढाइने बताएका छन्। यस निर्णयसँगै बारा-३ को राजनीतिक समीकरणमा नयाँ बहस र गतिविधि तीव्र हुने अनुमान गरिएको छ।